COMPACT HEALTH

Behandlungen un den Zänn, de professionellen Detartrage an Zännprotheese gi mat COMPACT HEALTH besser rembourséiert. Och kiferorthopedesch Behandlunge sinn ofgedeckt.

Fir Ären neie Brëll oder och esouguer Är Kontaktlënse kritt Dir all zwee Joer bis zu 250 € rembourséiert. Alternativ ginn och bis zu 250 € fir eng Laseroperatioun un den Aen iwwerholl.

Den Transport an der Ambulanz bis an d’Spidol (bis zu 400 km), d’Käschte fir e stationäre Spidolsopenthalt (och ouni Bedeelegung vun der obligatorescher Krankeversécherung) a medezinesch Leeschtungen, all dat si Käschten, déi Dir iwwer COMPACT HEALTH rembourséiert kritt. Och de Spidolsopenthalt an der 1. Klass, de fräie Choix vum Dokter an d’Behandlungen, bei deenen d’Honorairen iwwerschratt ginn, ginn iwwerholl. 

Wann Äert Kand verséchert ass, kritt Dir d’Käschte vum Rooming-in rembourséiert, sou datt Dir bei Ärem Kand bis zum Alter vun 12 Joer am Spidol iwwernuechte kënnt, ouni Iech wéinst de Käschte Suergen ze maachen. Bei der Gebuert vun engem Kand gëtt och den Openthalt vum Papp iwwerholl.

Bei enger Hospitalisatioun kritt Dir nieft dem Remboursement vun all Äre Käschten och nach eng Dagesindemnitéit fir Spidolsopenthalter an Héicht vun 30 €.

Dir sidd zu Lëtzebuerg an a ganz Europa d’selwecht verséchert. Och wann Dir ausserhalb vun Europa reest, profitéiert Dir vun engem ganze Mount Versécherungsschutz.